Supierboj Fłojd Mejuezier — Konar MakHrehar adbyŭsia siońnia ŭ Łas-Viehasie.
Boj čakali, bo Mejuezier — najlepšy baksior sučasnaści, a MakHrehar — i nie baksior navat, a pradstaŭnik źmiašanych adzinaborstvaŭ, jaki mieŭ śmiełaść i nachabstva kinuć vyklik Fłojdu.
Šmat chto z topavych baksioraŭ nazyvali hety boj cyrkam, šmat chto z fanataŭ nie vieryŭ u mahčymaść praviadzieńnia, ale jon adbyŭsia.
Z 12 raŭdaŭ pa praviłach boksa prajšli tolki 10: u debiucie boja Fłojd davaŭ Konaru prajavić siabie, bližej pad siaredzinu amierykaniec pačaŭ akcentavana bić pa korpusie, kab źbić niespraktykavanamu ŭ boksie MakHreharu dychańnie.
Nu a niedzie ad 7 raŭnda boj pieraŭtvaryŭsia ŭ źbićcio — u dziasiatym sudździa faktyčna vyratavaŭ MakHrehara ad padzieńnia, spyniŭšy boj.
Heta 50-aja pieramoha Fłojda Mejueziera.
U hetym boi ŭražvajuć taksama kaśmičnyja hanarary bajcoŭ, jakija vymiarajucca sotniami miljonaŭ dalaraŭ.
