Aeraport ispanskaha vostrava Ibica sustrakaje tysiačy turystaŭ voś tak:
Infarmacyju pra strajk prybiralščykaŭ u aeraporcie na Ibicy raspaŭsiudziła avijakampanija easyJet. Jaje rejsami na papularny kurort z Brytanii prylataje mnostva turystaŭ. Navat ciapier, da nastupleńnia siezonu, Ibica poŭnaja adpačyvalnikami.
U paviedamleńni avijapieravozčyka havorycca pra toje, što ŭ vyniku zabastoŭki, pačatak jakoj byŭ namiečana na 17 maja, u aeraporcie Ibicy budzie spynienaja pryborka.
Miarkujučy pa publikacyjach u sacsietkach, zroblenym turystami ŭ hetyja dni, śmiećcie tak i zastajecca nieprybranym. Ludzi vymušanyja pierastupać praź vializnyja hory śmiećcia, naviedvać brudnyja tualety, u jakich, da taho ž, niama ni papiery, ni myła.
Zabastoŭka źviazana z tym, što supracoŭnikam słužby pryborki na praciahu niekalkich miesiacaŭ nie vypłačvali zarpłatu ŭ poŭnym abjomie.
Kali prybiralščyki viernucca da svajoj pracy, nieviadoma: na sajcie aeraportu niama nijakaj infarmacyi ni pra prablemu, ni pra šlachi jaje rašeńnia
fota z sajta kurortimira
