Kiran Bietani (Kieran Bettany) naviedaŭ razam z žonkaj, jakaja była na 7-m miesiacy ciažarnaści, zaapark ŭ Kołčestery (Anhlija). Para padyšła da aranhutanhaŭ. Toje, što adbyłosia, muž zapisaŭ na videakamieru svajho smartfona.
U małpy nie było nijakich prablem z razumieńniem taho, što žančyna ciažarnaja i čakaje dzicia. Žyvioła z zachapleńniem ahledzieła žyvot žančyny, dalikatna dakranułasia škła, i navat zrabiła sprobu pacałavać niemaŭla ŭ žyvacie ciažarnaj žančyny.
Aranhutanhi — vielmi razumnyja žyvioły, jakija ŭ mnohich adnosinach padobnyja da nas. Ciažarnaść u hetych žyvioł adbyvajecca bolš ci mienš tak ž, jak i ŭ ludziej, i maleńkija małpy važać ad 1200 da 1600 hramaŭ, nahadvaje Gazeta.pl.
U dzikaj pryrodzie, dzie ich zastałosia katastrafična mała, aranhutanhi žyvuć kala 35—40 hadoŭ. U niavoli jany mohuć pražyć da 60 hadoŭ.
Vypalvańnie lasoŭ stanovicca ŭsio bolš raspaŭsiudžanaj źjavaj, navat u nacyjanalnych parkach na Barnea i Sumatry, dzie zachavalisia hetyja žyvioły. Maleńkich aranhutanhaŭ vykradajuć dla prodažu, i heta časta źviazana z zabojstvam ich maci.
