Italjanski restaran Osteria Francescana pryznany najlepšym u śviecie, paviedamlaje Reuters sa spasyłkaj na novy rejtynh časopisa Restaurant. Śpis składajuć z 2002 hoda, jon zasnavany na asabistym dośviedzie šef-kucharoŭ, restarataraŭ, kulinarnych ekśpiertaŭ i ahladalnikaŭ.
Osteria Francescana znachodzicca ŭ Modenie. Restaran zaniaŭ pieršaje miesca dziakujučy svajmu vynachodlivamu padychodu da tradycyjnych italjanskich straŭ.
Druhi radok zajmaje lidar 2015 hoda — El Celler de Can Roca ź ispanskaj Žyrony. Na treciaj pazicyi apynuŭsia ńju-jorkski restaran Eleven Madison Park.
Dalej idzie Central (Lima, Pieru). Znakamity restaran Noma (Kapienhahien, Danija) apuściŭsia na piataje miesca.
U top-10 taksama patrapili ŭstanovy z Francyi, Japonii i Aŭstryi. Bolš za pałovu restaranaŭ sa śpisu 50 najlepšych raźmieščany ŭ Jeŭropie, šeść znachodziacca ŭ ZŠA, jašče šeść — u Paŭdniovaj Amierycy i piać — u Azii.
