Bližejšyja dva dni Biełaruś budzie znachodzicca pad upłyvam chaładnavataha antycykłonu «Frydchielm» z Bałtyjskaha mora, paviedamiŭ u sacsietkach načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
«Pad upłyvam antycykłonu ŭstanovicca bolš kamfortnaje dla druhoj pałaviny lutaha nadvorje», - piša Dźmitryj Rabaŭ.
U sieradu, 17 lutaha, pry prajaśnieńniach u načny i ranišni čas i słabym vietry načami tempieratura pavietra moža apuskacca da minus 2 - minus 8 hradusaŭ, miescami da minus 12. Dniom budzie ad minus 3 da plus 3. Pieravažna biez apadkaŭ.
U čaćvier, 18 lutaha, apadkaŭ taksama nie čakajecca, tolki ranicaj i dniom u krajnich zachodnich rajonach mahčymy mokry śnieh, doždž. Miescami čakajecca tuman, hałalod, na darohach hałalodzica. Nočču ŭ asobnych rajonach pa zachadzie respubliki prahnazujecca ŭzmacnieńnie vietru paryvami da 15-17 m/s. Tempieratura nočču składzie ad minus 2 - minus 9, pa paŭnočnym uschodzie miescami da 12 marozu, pa paŭdniovym zachadzie - kala nula hradusaŭ; dniom budzie ad minus 2 da plus 5.
U piatnicu, 19 lutaha, atmaśfiernyja franty pačnuć pavyšać tempieraturu: nočču ŭ zachodnich, dniom i ŭ centralnych rajonach projduć karotkačasovyja apadki (mokry śnieh, doždž). Miescami tuman, hałalod, na darohach hałalodzica. Tempieratura nočču składzie ad minus 5 da plus 2, pa ŭschodzie pry prajaśnieńniach da minus 8; dniom budzie minus 2 - plus 5.
