U svaje 82 hady Majia Piatroŭna Davydava poŭniutkaja siłaŭ i enierhii. Jana lohka robić stojku «biarozka» i sadzicca na špahat, a pra tabletki i słuchać nie choča.
Fota: Maryja Amielina
— Sportam ja pačała zajmacca tolki ŭ 52 hady. Kali arhanizm staŭ davać zboi, zrazumieła — treba niešta rabić. Niezadoŭha da piensii zapisałasia na zaniatki aerobikaj. Vynik nie prymusiŭ siabie čakać — nieŭzabavie zaŭvažyła, jak syšli boli ŭ pajaśnicy, stała bolš zhrabnaj i pamaładzieła, — uspaminaje Maja Piatroŭna.
Z tych časoŭ ništo nie mahło admianić jaje zaniatkaŭ. Pakul adnahodki Mai Piatroŭny prasiedžvali ŭ čerhach paliklinik, jana śpiašałasia na fitnies, aerobiku, u basiejn… Niekalki miesiacaŭ tamu piensijanierka ŭsio-tki vyrašyła admovicca ad aktyŭnych trenirovak i vybrała zaniatki bolš spakojnyja — johu.
Fota: Maryja Amielina
Šlach da jaje byŭ niaprostym. Zapisacca ŭ hrupu ŭdałosia nie ź pieršaha razu.
— Pryjšła ŭ siekcyju kala doma, a mnie kažuć — staraja, — uśmichajecca Maja Piatroŭna.
Fota: Maryja Amielina
Narešcie piensijaniercy chtości paraiŭ — u haradskim centry kultury ŭžo niekalki hadoŭ pracuje śpiecyjalnaja hrupa dla tych, kamu za… Zaraz try razy na tydzień Maja Piatroŭna razvučvaje ŭsio novyja i novyja asany.
Jaje kalehi pa zale značna maładziejšyja, ale i jany ŭžo daŭno nosiać hanarovy status «babula». Historyi jak pad kapirku: chvareli — zanialisia johaj — ačuniali i znoŭku adčuli smak žyćcia.
— Zusim nie davaŭ žyć chvory sustaŭ, užo i ŭ čarhu na apieracyju pa zamienie stała, ale svoječasova trapiła siudy. Ciapier ničoha nie balić. Adčuvaju siabie vydatna, a mnie ž užo 65, — hanarova zajaŭlaje ładnaja kabieta Sofja Alaksandraŭna.
Fota: Maryja Amielina
Całkam zadavolenaja žyćciom i trenier Śviatłana. Bo kaliści, pa pryznańni žančyny, u palikliniku chadziła jak na pracu. Usio źmianiłasia 12 hadoŭ tamu — kali zaniałasia johaj.
Fota: Maryja Amielina
Maja Piatroŭna ŭ svaich zaniatkach bačyć i ekanamičnuju vyhadu:
— U mnohich maich znajomych na tabletki sychodzić vialikaja častka piensii. Ja ž kuplaju za 150 tysiač abaniemient pa jozie, a astatnija hrošy marnuju na bolš pryjemnyja rečy.
Fota: Maryja Amielina
