Małady čałaviek, jakoha bolš za dva tydni adšukvali na Dubrovienskim vadaschoviščy pad Minskam, znojdzieny. Jon zahinuŭ, paviedamlaje pošukava-ratavalny atrad «Anioł».
Pavodle infarmacyi PRA, Dzianis Bažok źnik u rajonie Dubrovienskaha vadaschovišča ŭ noč na 8 žniŭnia. Tady źjaviłasia viersija, što chłopiec moh patanuć.
Miarkujučy pa siońniašniaj infarmacyi ratavalnikaŭ, tak i zdaryłasia. PRA «Anioł» vykazaŭ słovy padziaki ŭsim, chto akazvaŭ dapamohu i padtrymlivaŭ na praciahu 17 dzion pošukaŭ. «Dziakujem za supracoŭnictva: «Avija-100» i piłotu Ivanu Ivanaviču za pradastaŭleńnie viertalota, kiraŭnictvu vadaschovišča za pradastaŭleńnie katera, Asvodu, dajvinhavamu kłub «Kapitan Morhan», a taksama pošukavikam PRA «Anioł» i ŭsim, chto štodzionna vybyvaŭ na miesca pošukaŭ. Vaša padtrymka była važnaja dla nas usich», — havorycca ŭ paviedamleńni.
