U adnoj z supołak biełaruskich anarchistaŭ UKantakcie źjaviłasia spravazdača z akcyi pa vyłučeńni Łukašenki na pasadu pažyćciovaha kiraŭnika Biełarusi.
«9 žniŭnia, u samy razhar dnia, la ŭvachodu na rynak pa vulicy Kulašova sacyjalnymi aktyvistami była praviedziena akcyja «Za pažyćciovuju karanacyju Alaksandra Ryhoraviča Łukašenki! — pišuć anarchisty, — Niahledziačy na vidavočnuju absurdnaść i iraničnaść akcyi, znajšlisia ludzi, jakija ŭsurjoz jaje horača padtrymali i ŭchvalili, chtości ŭ śpiešcy tolki na słovach, a chtości i radasna pastaviŭšy svoj podpis».
Pavodle anarchistaŭ, reakcyja minakoŭ była roznaj — chtości nie razumieŭ ironii, chtości łajaŭsia ŭ bok Łukašenki i aktyvistaŭ.
Pa vynikach atrymałasia sabrać 7 podpisaŭ da taho času, jak źjaviłasia milicyja. Praŭda, zatrymać anarchistaŭ jana nie paśpieła.