rh.by
Pra heta raspavioŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
Pavodle jaho słoŭ, pieršuju pałovu tydnia nadvorje budzie vyznačać vobłaść vysokaha atmaśfiernaha cisku, na fonie jakoha projdzie małaaktyŭny atmaśfierny front. Miescami pa krainie projduć karotkačasovyja daždžy i navalnicy. U načnyja i ranišnija hadziny ŭ asobnych rajonach słaby tuman.
U aŭtorak nočču tempieratura pavietra składzie plus 16—21°S, miescami plus 12—15°S; maksimalnaja dniom plus 27—34°S, pa poŭdni miescami plus 35°S. U sieradu nočču plus 15—22°S, maksimalnaja dniom plus 30—36°S.
«Dalej praz našu krainu budzie prachodzić čarhovy atmaśfierny front z Zachodniaj Jeŭropy — u čaćvier miescami, a ŭ piatnicu pa paŭdniovym uschodzie karotkačasovyja daždžy, navalnicy», — paviedamiŭ Rabaŭ.
U čaćvier tempieratura pavietra minimalnaja nočču plus 15-22°S, maksimalnaja dniom plus 26-33°S, pa poŭdni da plus 35°S.
U piatnicu nočču plus 15-22°S, maksimalnaja dniom plus 26-31°S, pa poŭdni da plus 32-35°S.
Jak adznačyŭ sinoptyk, «u vychadnyja ŭładu nad nadvorjem voźmie skandynaŭski antycykłon, śpioka krychu spadzie i ŭ bolšaści rajonaŭ ŭstalujecca bolš kamfortnaje nadvorje».
Tempieratura pavietra minimalnaja nočču plus 13—20°S, maksimalnaja dniom plus 24—29°S, a pa paŭdniovym zachadzie zachavajecca haračaje nadvorje, plus 30—33°S. Pieravažna biez apadkaŭ, tolki ŭ niadzielu pa paŭdniovym zachadzie mahčymy karotkačasovyja daždžy, navalnicy.
«U suviazi z čakanymi ŭmovami nadvorja na bolšaj častcy terytoryi krainy zachavajecca vysokaja pažarnaja niebiaśpieka lasoŭ», — skazaŭ Rabaŭ.
