«Aščadbank» abviaściŭ ab vydzialeńni AAT «Biełaruśkalij» sindykavanaha kredytu, paviedamlaje pres-słužba karparatyŭna-inviestycyjnaha biźniesu «Aščadbanka» (Sberbank CIB).
Suma kredytu składaje 550 młn jeŭra, termin ździełki — 5 hadoŭ. U jakaści zabieśpiačeńnia zapazyčańnia aformlena harantyja biełaruskaha ŭrada. Kredytorami vystupili AAT «Aščadbank Rasii» i Sberbank Europe AG (jeŭrapiejskaje padraździaleńnie Hrupy Aščadbank), ahientam pa zapazyčańni źjaŭlajecca AAT «Aščadbank Rasii». Inšyja ŭmovy vydzialeńnia srodkaŭ nie paviedamlajucca.
«Heta ździełka charaktaryzujecca kompleksnym padychodam da vyrašeńnia pytańniaŭ abodvuch bakoŭ, jakija ŭličvajuć taksama i stratehičnyja intaresy banka. Dziakujučy vykarystańniu indyvidualnych finansavych rašeńniaŭ i ŭdziełu ŭ prajekcie jeŭrapiejskaha padraździaleńnia Hrupy Aščadbank — Sberbank Europe AG — my zmahli zabiaśpiečyć dla klijenta pryvabny ŭzrovień koštu finansavańnia», — paviedamiła kirujučy dyrektar upraŭleńnia pa pracy z klijentami pramysłovaści departamienta klijenckaha mieniedžmientu Sberbank CIB Natalla Jermakova.
