Pieršaje zdareńnie
Kitajcy stali aściarožna pierastupać płatformy pierad eskałatarami, pieradaje Buzzfeed. Bojaź eskałataraŭ raźviłasia paśla taho, jak 26 lipienia žančyna zahinuła, pravaliŭšysia pad eskałatar praz złamanuju płatformu.
Na poŭnym videa z kamier nazirańnia bačna, što supracoŭnicy handlovaha centra viedali pra złamanuju płatformu kala eskałatara i sami ledź u jaje nie pravalilisia. Ale eskałatar nie spynili. Płatforma pravaliłasia pad žančynaj ź dziciom. Maci paśpieła ŭratavać dzicio, ale sama ŭpała i atrymała śmiarotnyja traŭmy.
Supracoŭnicy handlovaha centra, jakija stajali ŭ paŭmietry ad žančyny, paśpieli tolki zabrać dzicio, ale nie zdoleli vyciahnuć žančynu. Paralelny eskałatar pracavaŭ jašče try chviliny. Cieła žančyny dastali tolki praz amal čatyry hadziny.
Za trahiedyjaj na eskałatary paśledavała jašče adna: 28 lipienia u lifcie hatela pravaliłasia padłoha, zahinuŭ mužčyna.
Kitajcy ŭspryniali trahiedyi ci to z (mahčyma, zališniaj) pilnaściu, ci to z (mahčyma, niedarečnym) humaram. U kitajskaj sacsietcy Weibo publikujucca fota i videa roznych sposabaŭ paźbiehnuć niebiaśpiečnych miescaŭ na eskałatarach. Časam hetyja sposaby niebiaśpiečnyja sami pa sabie, nie raim paŭtarać heta.
