23 lipienia startavaŭ čarhovy etap vybarčaj kampanii — zbor podpisaŭ u padtrymku hramadzian, prapanavanych dla vyłučeńnia kandydatami ŭ prezidenty Respubliki Biełaruś.
Punkty zboru podpisaŭ adrazu niekalkich patencyjnych kandydataŭ u prezidenty raźmiaścilisia kala HUMa na praśpiekcie Niezaležnaści. Tut u tym liku źbirajuć podpisy i za Alaksandra Łukašenku. Praŭda, adkaznyja za heta aktyvisty Fiederacyi prafsajuzaŭ admovilisia raskazać pra svajho kandydata.
Dyjałoh karespandenta BiełaPAN sa zborščykami podpisaŭ za Alaksandra Łukašenku:
— Raskažycie pra vašaha kandydata.
— A chto vy taki?
— BiełaPAN, infarmacyjnaje ahienctva.
— Pakładzicie na stoł paśviedčańnie.
— Paśviedčańnie nie kładuć na stoł. Raskažycie pra kandydata.
— Pieravodźcie kamieru — ubačycie.
— A inšyja raspaviadajuć.
— Šmat dzie čaho raspaviadajuć.
— To bok, nie chočacie pra kandydata raskazać?
— Chočam, ale nie ciapier. Usiamu svoj čas.
— Dziaŭčaty, — źviartajecca karespandent da inšych udzielnic pikietu, — a vy raskažycie pra kandydata, za jakoha ahitujecie.
— A navošta raskazvać? Usie ŭsio viedajuć.
— Ja nie viedaju.
— Heta vašy prablemy.
