Fota: Siarhiej Hudzilin
Čorhovy fest farbaŭ Choli pryznačany na 2 žniŭnia. Jon projdzie ŭ parku Dreamland. Paviedamlajecca, što lipieński Color Fest naviedali bolš za 30 tysiač čałaviek. Na novym feście arhanizatary abiacajuć navat bolšyja maštaby.
Hladzicie, jak prachodziŭ pieršy biełaruski Color Fest: FOTA i VIDEA.
Bai farbami pačnucca ŭ «Drymłendzie» 2 žniŭnia a 12-j hadzinie i praciahnucca da 7 viečara. Uvachod volny, ale farba dla bajoŭ płatnaja.
Akramia ŭłasna bajoŭ farbami, na feście budzie praviedzieny kancert z udziełam hurtu NAVI, Dzimy Kaminskaha, Drum Killa, Olisa, Djs Magic Sound, Dj Denny Todd, Dj PS, Dj Helen G, Dj Lia Lisse, Dj Dez Q i inšych, buduć zładžanyja dziciačaja i siamiejnaja placoŭki.
I jašče bolšy pa maštabach fest farbaŭ abiacajuć zładzić 30 žniŭnia — užo na aeraporcie «Minsk-1».
Arhanizatary nahadvajuć: farby na feście nie škodnyja dla skury (vočy možna abaranić akularami) i lohka zmyvajucca vadoj, nie psujuć adzieńnia. Ale svaje farby dziela biaśpieki inšych na fest pranosić zabaroniena.
