Alaksandr Łukašenka pieraściaroh miascovyja ŭłady ad papulizmu padčas praviadzieńnia vybarčaj kampanii, u tym liku ŭ častcy zarabotnych płat. «Davajcie pieražyviem spakojna hetyja vybary, pahladzim, na što my zdolnyja», — skazaŭ jon, prymajučy 25 červienia kadravyja rašeńni.
Jak paviedamlaje pres-słužba prezidenta, Łukašenka zaklikaŭ novych kiraŭnikoŭ vykankamaŭ jak maha chutčej uvajści ŭ kurs spravy, razabracca z kadrami i «być vielmi akuratnymi i ŭvažlivymi» ź ludźmi. «Nie pavinna być ni fanaberyi, ni hałavaciapstva», — papiaredziŭ jon.
Uładzie, na dumku Łukašenki, varta nadać bolš vahi. Situacyja, kali kiraŭnik stavić zadaču, a potym sam ža vykonvaje jaje za adkaznuju asobu, niedapuščalnaja, padkreśliŭ jon. «Ułada pavinna zajmacca svaimi pytańniami. Ale vykanańnie pavinna być samym žorstkim: skazaŭ, pryniaŭ rašeńnie ŭ vykankamie — heta pavinna być nieadkładna vykanana», — skazaŭ kiraŭnik dziaržavy. Taki padychod, zaznačyŭ jon, daść mahčymaść efiektyŭna aptymizavać dziaržaparat, adpaviedna pavialičyŭšy zarpłaty i dachody dziaržsłužačym.
Łukašenka nahadaŭ, što litaralna praz dva-try tydni ŭ Hrodzienskaj i Homielskaj abłaściach pačniecca ŭboračnaja kampanija. «Voś heta samaje hałoŭnaje — treba dobra ŭbrać, narychtavać, zabiaśpiečyć dyscyplinu, kab ludzi pracavali i atrymlivali zarpłatu. Voś usia naša pieradvybarnaja kampanija. A kali tut nie budzie vyniku, a my budziem chadzić da ludziej i sprabavać niešta skazać, atrymajecca myčańnie i nie bolš», — zajaviŭ kiraŭnik dziaržavy.
Jak paviedamlałasia raniej, siońnia Alaksandr Łukašenka daŭ zhodu na pryznačeńnie šerahu čynoŭnikaŭ miascovych orhanaŭ ułady, u tym liku — pieršaha namieśnika i namieśnika Bresckaha abłvykankama, namieśnikaŭ staršyni Viciebskaha i Mahiloŭskaha abłvykankamaŭ, staršyniaŭ Pružanskaha, Łuninieckaha i Haradockaha rajvykankamaŭ.
