Dziaržaŭnaje pradpryjemstva Biełtelekam abviaściła tendar na zakupku prahramna-aparatnaha kompleksu, adnoj z zadač jakoha budzie zbor i zachoŭvańnie na praciahu hoda historyi naviedvańnia kožnym karystalnikam (klijentam) sietki Internet.
Varta adznačyć, što heta patrabavańnie — zachoŭvać łohi — kožny apieratar suviazi abo pravajdar abaviazany vykonvać z 2016 hoda.
Umovy tendaru taksama raskryvajuć namiery dziaržpradpryjemstva ŭmiašacca na miascovy rynak kantekstnaj rekłamy. Ale hałoŭnaje zaklučajecca ŭ nastupnym.
Adzin z łotaŭ tenderu praduhledžvaje pastaŭku APK, zdolnaha identyfikavać i taryfikavać zychodiačy hałasavy trafik (u tym liku IP-telefanija) z pryviazkaj da kankretnaha karystalnika (klijenta) sietki Internet, paviedamlajuć blizkija da AAC krynicy.
Inšymi słovami, sistema budzie zdolnaja asačyć vašyja hałasavyja znosiny sa svajakom, tavaryšam, naprykład ŭ ZŠA, i vystavić vam rachunak za telefonnuju razmovu pa dziejučych taryfach.
Zastajecca tolki dadać, što biełaruski anałah skajpa, jaki Biełtelekam adčajna i pakul adnosna biespaśpiachova sprabuje ŭkaranić u žyćcio, źjaŭlajecca płatnaj pasłuhaj i patrabuje apłaty za zvanki navat pa Biełarusi.
