Tut i nižej vyjavy: HTT/Jumpstartfund
Vysokachutkasny ciahnik-«trubapravod» Hyperloop, prydumany stvaralnikam SpaceX i Tesla Ełanam Maskam, maje być pratestavanym u realnym śviecie ŭžo ŭ 2016 hodzie. Jak raspavioŭ Wired dyrektar prajektu Dyrk Albarn, pajezdki na im mohuć stać biaspłatnymi.
«Ja nasamreč ščyra vieru, što kali my stvorym sietku Hyperloop i zrobim jaje biaspłatnaj prynamsi ŭ niapikavyja hadziny, a ŭ pikavyja budziem brać nievialikuju płatu, a zarablać budziem na inšym, heta surjozna źmienić žyćcio ludziej», — skazaŭ jon.
Zrabić transpart biaspłatnym možna praz vykarystańnie adnaŭlalnych krynic enierhii. Heta nie tolki zabiaśpiečyć enierhijaj ciahniki, ale i pakinie zališak, jaki možna budzie pradavać.
Hyperloop finansujecca pa pryncypie pošuku spažyŭcoŭ — prajektam užo zacikavilisia 350 kampanij z 21 krainy śvietu, bolš za 400 inviestaraŭ ukłali svaje hrošy.
Pieršy kamiercyjny trek budzie kaštavać miljardy dalaraŭ. Da pačatku jaho budaŭnictva budzie stvorany testavy 8-kiłamietrovy trek u Kvej-Veli, Kalifornija. Ciahniki na im buduć chadzić z chutkaściu, blizkaj da traciny chutkaści huku, u kančatkovaj viersii chutkaść Hyperloop maje być zvyš za 1000 km/h.
Na testavym treku budzie adpracoŭvacca nie stolki chutkaść — budzie aptymizavanaja sistema pasadki pasažyraŭ u kapsuły (ich płanujecca zapuskać kožnyja 30 siekund) i ruchu samich kapsuł (pasažyry majuć adčuvać chutkaść nie jak u samalocie, a jak u mašynie).
U vypadku pośpiechu ŭ ZŠA Hyperloop płanujuć zbudavać na Bližniem Uschodzie, u Azii i Jeŭropie.
