«Prahres». Fota: naked-science.ru
Kaśmičny hruzavy karabiel «Prahres», što startavaŭ z Bajkanura 28 krasavika, padčas stykoŭki z MKS pačaŭ bieskantrolna krucicca. Prystykavać jaho ŭžo naŭrad ci atrymajecca — vierahodna, jaho pryjdziecca spalić u atmaśfiery, paviedamlaje RIA Novosti.
Za noč 29 krasavika apieratary nie zdoleli źviazacca z «Prahresam», kab spynić jaho kručeńnie. Karabiel u takim stanie niasie niebiaśpieku žyćciu astranaŭtaŭ na MKS.
Pa słovach krynicy RIA Novosti, siońnia «ŭratavać karabiel moža tolki cud». Chutčej za ŭsio, karabiel buduć pastupova vyvodzić na bolš nizkija arbity, pakul jon nie spalicca ŭ atmaśfiery.
Zboj patłumačyli niaštatnaj situacyjaj padčas adździaleńnia stupieni rakiety, u vyniku jakoj praź nieachajnaść dziaržkampanij i adsutnaść kantrolu «Prahres» straciŭ častku anten sistemy zbližeńnia «Kurs».
Hety zapusk «Prahresa» mieŭsia stać znakavym dla Rasii — zajaŭlałasia, što hruzavik musiŭ dastavić na MKS kopiju ściaha pieramohi. Paźniej Raskosmas zajaviŭ, što ściah užo byŭ dastaŭleny ŭ sakaviku na karabli «Sajuz TMA-16M».
