Masavyja biesparadki ŭ Kot-dJIvuary, śniežań 2011. Fota: Luc Gnago, Reuters
Navukoŭcy z ZŠA i Irłandyi navučylisia pa adkrytaj statystycy apierataraŭ suviazi znachodzić padazronyja skopiščy ludziej, raspaviadaje N+1. Daśledavańnie vykładzienaje na arxiv.org.
Pa źviestkach ab telefanavańniach i SMS, pryviazanych da raźmiaščeńnia bazavych stancyj, navukoŭcy mohuć skłaści karcinu «narmalnych» pavodzin čałavieka i pabačyć masavyja «nienarmalnyja» pavodziny.
Svaju sistemu jany pravieryli na źviestkach ab telefanavańniach u Kot-dJIvuary sa śniežnia 2011 hoda pa krasavik 2012-ha, kali ŭ krainie razhareŭsia palityčny kryzis, što pieraros u hramadzianskuju vajnu. Ich mietodyka «adhadała» 23 z 25 masavych akcyj.
Tym časam raniejšaja alternatyŭnaja sistema, zasnavanaja na GPS-źviestkach (jakich na paradak mieniej), znajšła tolki 19.
Niahledziačy na toje, što ludzi robiać telefanavańni nierehularna, a źviestki ab miescaznachodžańni pryviazanyja nie da kankretnaha čałavieka, a da sotavaj vyški, mietodyka paćvierdziła efiektyŭnaść na «kłastarach» abanientaŭ i ich ruchu ad vyški da vyški.
Navukoŭcy prapanujuć ukaranić sistemy manitorynhu «nienarmalnych» pierasoŭvańniaŭ ludziej.
Jana, jak śćviardžajuć aŭtary daśledavańnia, budzie karysnaj nie tolki ŭ praduchileńni biesparadkaŭ, ale i ŭ płanavańni transpartnych sietak i inšym udaskanaleńni haradskoj infrastruktury.
