U paŭnočnaj častcy Kipra prachodzić druhi tur vybaraŭ novaha kiraŭnika Tureckaj Respubliki Paŭnočnaha Kipra.
Dva hałoŭnyja kandydaty — ciapierašni prezident Derviš Erahłu i pradstaŭnik levych siłaŭ, niezaležny kandydat Mustafa Akinčy, jaki abiacaje ŭ vypadku pieramohi adnavić palityčnyja pieramovy z hrekami-kipryjotami.
Jon, u pryvatnaści, paabiacaŭ damahčysia bolšaha davieru da kiraŭnictva tureckaha Kipra z boku hrekaŭ-kipryjotaŭ i vykazaŭ hatoŭnaść razhledzieć mahčymaść pieradačy im dla hetaha pamiežnaha horada Varošu, u jakim nichto nie žyvie z 1974 hoda.
U pieršym tury ź nievialikaj pieravahaj pieramoh Derviš Erahłu.
Pieramovy pamiž tureckaj i hrečaskaj častkaj Kipra, nakiravanyja na pieraadoleńnie padziełu vostrava pieryjadyčna i biezvynikova viaducca ŭžo mnohija hady.
Tureckaja Respublika Paŭnočnaha Kipra zajmaje paŭnočnuju tracinu terytoryi Kipra i pryznana tolki Turcyjaj.
Na dadzieny momant urad Respubliki Kipr (hrečaskaj častki Kipra) praciahvaje zastavacca adzinaj mižnarodna pryznanaj uładaj na vostravie.