Pasolstva Biełarusi adkryjecca ŭ Hruzii ŭ 2016 hodzie, zajaviŭ Alaksandr Łukašenka paśla niefarmalnaj sustrečy 24 krasavika z prezidentam Hruzii Hieorhijem Marhviełašvili ŭ Batumi (Aŭtanomnaja Respublika Adžaryja), paviedamlaje resurs Novosti-Hruzija.
«U nas padychod taki: kali handlova-ekanamičnyja adnosiny pierachodziać na vysoki ŭzrovień, my prymajem rašeńnie ab adkryćci pasolstvaŭ. Handlovy abarot pamiž Hruzijaj i Biełaruśsiu — 200 miljonaŭ, my miarkujem, što pavinna być dypłamatyčnaje pradstaŭnictva, jakoje adkryjecca praz hod. Što da palityki, u nas tut niama nijakich prablem», — zajaviŭ Łukašenka žurnalistam.
U svaju čarhu Marhviełašvili vykazaŭ udziačnaść biełaruskamu kiraŭniku za vizit u Hruziju.
«Chaču padkreślić, što ŭ asobie Alaksandra Łukašenki Hruzija ŭbačyła sapraŭdnaha siabra, jaki pavažaje krainu, jaje dziaržaŭnaść, suvierenitet i, zychodziačy z hetaha, dumaje pra maksimalnaje pahłybleńnie adnosinaŭ, a taksama pra pracu dla ahulnaha mirnaha asiarodździa», — zajaviŭ Marhviełašvili.
