Kala 11.40 siońnia, 22 krasavika, na MKAD u rajonie akvaparku adbyłosia DTZ z udziełam lehkavoha aŭtamabila «Lifan» i MAZ darožnaj słužby.
Pra heta BiełTA paviedamiła staršy inśpiektar pa ahitacyi i prapahandzie adździeła DAI Centralnaha RUUS Minska Anastasija Radźko.
Małady čałaviek na lehkaviku ruchaŭsia pa MKAD z boku vulicy Cimirazieva ŭ napramku praśpiekta Pieramožcaŭ u druhoj pałasie, dzie i ździejśniŭ najezd na MAZ darožnaj słužby. MAZ byŭ paznačany darožnymi znakami ŭ adpaviednaści z patrabavańniami.
U vyniku DTZ lehkavik pazbaviŭsia dachu. Kiroŭca špitalizavany dla abśledavańnia z papiarednim dyjahnazam «adkrytaja čerapna-mazhavaja traŭma». Pravodzicca pravierka, vyśviatlajucca pryčyny i abstaviny avaryi.
0
0
0
0
0
0
