Alaksandr Łukašenka prybudzie ŭ Tbilisi z dvuchdzionnym dziaržaŭnym vizitam uviečary 22 krasavika.
U ramkach vizitu zapłanavanyja sustrečy z hruzinskim kaleham Hieorhijem Marhviełašvili, premjeram Iraklijem Harybašvili, Katalikosam — Patryjarcham usioj Hruzii Iljoj Druhim, paviedamlaje newsgeorgia.ru.
«Z palityčnych tem u pieršuju čarhu ja b padkreśliŭ važnaść takich, jak palityka padtrymki suvierenitetu i terytaryjalnaj cełasnaści Hruzii, padtrymka palityki niepryznańnia (niezaležnaści Abchazii i Cchinvalskaha rehijonu).
Što tyčycca napramkaŭ ekanomiki, handlu i turyzmu — u hetych śfierach buduć aformlenyja pahadnieńni», — zajaviŭ daradca prezidenta Hruzii pa mižnarodnych adnosinach Tenhizam Pchaładze na bryfinhu ŭ aŭtorak, 21 krasavika.
U piatnicu, 24 krasavika, zapłanavana pajezdka Łukašenki ŭ Batumi, dzie jon sustreniecca z kiraŭnikom urada Adžarskaj aŭtanomnaj respubliki Arčyłam Chabadze, ahledzić miascovyja pradpryjemstvy, a taksama naviedaje kancert. Akramia taho, Łukašenka budzie prysutničać na cyrymonii padpisańnia damovy ab haradach-pabracimach pamiž Batumi i Brestam.
Kiraŭnik Biełarusi pakinie Hruziju 24 krasavika, dadaje newsgeorgia.ru.
Heta pieršy aficyjny vizit Łukašenki ŭ hetu krainu.