Polšča abrała pastaŭščyka dla stvareńnia sistemy supraćpavietranaj abarony Wisla. Jak zajavili ŭ ministerstvie abarony Polščy, im stanie amierykanskaja kampanija Raytheon, vytvorca zienitna-rakietnych kompleksaŭ Patriot.
«Prapanova ZŠA było pryznana bolš vyhadnym z punktu hledžańnia biaśpieki Polščy i realizacyi abaviazacielstvaŭ u ramkach NATA», — rastłumačyli ŭ polskim vajskovym viedamstvie.
U konkursie taksama ŭdzielničaŭ kansorcyum Eurosam, jaki naležyć francuzskamu kancernu Thales i itała-francuzskamu MBDA, jaki prapanoŭvaŭ sistemu SAMP/T.
Patriot pavinien zabiaśpiečvać paražeńnie pavietranych metaŭ (uklučajučy taktyčnyja balistyčnyja rakiety) na dalokaści da 100 kiłamietraŭ.
Zhodna z płanami polskaha vajennaha viedamstva, pastaŭka šaści batarej kompleksu Wisla pavinna zaviaršycca da 2022 hoda. Vytvorčaść abranaj sistemy buduć u značnaj stupieni łakalizavać na terytoryi Polščy. Pavodle acenak ekśpiertaŭ, košt kantraktu z ulikam vydatkaŭ na ekspłuatacyju na praciahu 10 hadoŭ moža pieravysić 8,5 miljardaŭ dalaraŭ.
