Bujnuju łabaratoryju pa vytvorčaści amfietaminu vyjavili ŭ Barysavie, paviedamiŭ načalnik adździaleńnia infarmacyi i hramadskich suviaziej UUS Minabłvykankama Alaksandr Danilčanka.
«Zatrymany mužčyna (uzrost 32 hady), jaki, nie majučy śpiecyjalnaj chimičnaj adukacyi, stvaryŭ u arandavanym haražy mahutnuju łabaratoryju pa vytvorčaści amfietaminu», — raspavioŭ Alaksandr Danilčanka.
Mužčynu zatrymali ŭ Minsku supracoŭniki padraździaleńniaŭ pa narkakantroli i bajcy SACHR unutranych vojskaŭ. U zatrymanaha kanfiskavali skrutak z 37 h amfietaminu. Paźniej pry pieratrusie haraža, jaki toj zdymaŭ pa vusnaj damoŭlenaści ŭ Barysavie, była vyjaŭlenaja łabaratoryja pa vytvorčaści amfietaminu. Usiaho ŭ chodzie pieratrusaŭ kanfiskavana 85 kh prekursoraŭ, chimičnyja reaktyvy i reahienty, łabaratornaje abstalavańnie, a taksama $4800 i 200 jeŭra.
