Dziaržaŭnaja Duma Rasijskaj Fiederacyi razhladzieła na hetym tydni ŭ druhim čytańni fiederalny biudžet i pryniała papraŭki, zhodna ź jakimi vydatki na vojska buduć skaročanyja na 157 młrd rasijskich rubloŭ (kala $3 młrd), paviedamiła ahienctva RIA Novosti.
Pryčyny skaračeńnia nie paviedamlalisia.
Pieršapačatkova na «Nacyjanalnuju abaronu» było zapłanavana addać 3,274 trłn rubloŭ ($65 młrd).
U asnoŭnym skaročanyja vydatki na padadździeły «Uzbrojenyja siły RF» — u pamiery 99,7 młrd rubloŭ. U vyniku na vojska Rasija addaje 20,5% fiederalnaha biudžetu.
Raniej rasijskaja hazieta «Kommiersant» paviedamlała, što uzbrojenyja siły Rasii nie mohuć sabie dazvolić zamović da 2020 hoda zapłanavanyja 52 najnoŭšyja źniščalniki T-50 PAK FA piataha pakaleńnia.
Biełaruś addaje na abaronu ŭ 2015 hodzie ŭsiaho 8 trłn biełaruskich rubloŭ (kala $530 młn) — prykładna 5,7% biudžetu.
