Piatro Parašenka pakazvaje rasijskija pašparty ŭ Miunchienie. Fota Rojterz.
«Pašparty, što pakazvaŭ Piatro Parašenka ŭ Miunchienie, nie mohuć naležyć rasijskim vajskoŭcam, jany ž vajskoŭcy, u ich vajennyja bilety. a pašparty zabirajuć», — masava pisała rasijskaja piataja internet-kałona, u tym liku na našym sajcie.
Adnak siońnia adbirać u vajskoŭca pašpart niezakonna. Heta paćvierdziła ŭ 2009 hodzie Ministerstva abarony Rasii.
Paśviedčańniem asoby vajskoŭca jość jaho vajskovy bilet, jaki zamianiaje pašpart. Ale i pašpart adbirać, pa ciapierašnim rasijskim zakanadaŭstvie, niamožna.
Razam z vajennym biletam u Rasii isnuje taksama paśviedčańnie asoby vajskoŭca, što słužyć pa kantrakcie, ale i jano nie admianiaje pašparta.
Tearetyčna, rasijskija vajskoŭcy mohuć mieć pry sabie pašpart, kali vajujuć na terytoryi inšaj krainy. Praŭda, pra toje, ci majuć rasijskija vajskoŭcy pašparty va Ŭkrainie, nieviadoma — aficyjna rasijskich vojsk va Ukrainie niama (dyj u Krymie spačatku taksama «nie było», potym vyśvietliłasia, što byli).
Najmity, dabraachvotniki i ŭsie inšyja, chto jedzie z Rasii vajavać va Ukrainu nie ad imia rasijskaj armii, volnyja mieć pry sabie pašpart. Što praŭda, i miascovyja žychary Danieččyny ci Łuhanščyny mohuć atrymać rasijskija pašparty, ale žyć na terytoryi Ukrainy.
