U 2015 hodzie pačnuć pracy pa restaŭracyi paŭnočnaj viežy Halšanskaha zamka. Da siońniašniaha dnia zamak byŭ zakansiervavany.
Na kansiervacyju za dva hady było nakiravana kala 4 miljardaŭ rubloŭ. Finansavańnie rabot praduhledžana ŭ ramkach prahramy «Kultura Biełarusi». Nieabchodna ŭmacavać kanstrukcyju zbudavańniaŭ i ścien, jakija zastalisia.
Taksama ŭ mai ŭ Ašmianach projdzie fiestyval «Halšanski zamak», piša «Viečiernij Hrodno».
Halšany nielha paraŭnoŭvać ni z adnym biełaruskim miastečkam. Heta miesca, naskroź prasiaknutaje lehiendami, natchniała Uładzimira Karatkieviča. Jaho znakamity histaryčny raman «Čorny zamak Alšanski», pierakładzieny na niekalki moŭ, raźnios tajamničuju słavu Halšan pa śviecie. Halšanski zamak zachoŭvaje trahičnuju historyju kachańnia i cieniu Čornaha Manacha (tak prazvali jaho miascovyja žychary), jaki navodzić žach na vypadkovych minakoŭ.
