Ab hetym paviedamiŭ dyrektar departamienta vieterynarnaha i charčovaha nahladu Ministerstva sielskaj haspadarki i charčavańnia Vasil Pivavar.
«Siońnia pryniata rašeńnie ab źniaćci zabarony z troch pradpryjemstvaŭ, jakija inśpiektavali našy śpiecyjalisty.
Heta Žłobinski i Homielski miasakambinaty, a taksama Viciebskaja brojlernaja ptuškafabryka.
Pa astatnich pradpryjemstvach (AAT «Ahrakambinat «Skidzielski» i AAT «Ptuškafabryka «Rasśviet») jašče pradaŭžajecca pravierka, rasijskamu boku pradastaŭlajecca nieabchodnaja dakumientacyja. Liču, u bližejšyja dni pytańni buduć pastupova zdymacca», - skazaŭ dyrektar departamienta.
Havaryć ab tym, kali adnavić pastaŭki pradukcyi zmohuć usie astatnija pradpryjemstvy, pakul składana, dadaŭ jon. Niejkija ź ich užo pravierany ŭ poŭnym abjomie, adabrany ŭzory pradukcyi, adnak dla praviadzieńnia daśledavańniaŭ patrebny čas. Kali dla adnych daśledavańniaŭ dastatkova niekalkich hadzin, to na inšyja patrebna da niekalki dzion. «Pa miery taho, jak usia nieabchodnaja infarmacyja budzie atrymana rasijskimi śpiecyjalistami, imi buduć prymacca rašeńni», — reziumavaŭ Vasil Pivavar.
Jak paviedamlałasia, Raśsielhasnahlad zabaraniŭ pastaŭki charčovaj pradukcyi bolš jak z 20 biełaruskich pradpryjemstvaŭ
u suviazi z vyjaŭlenaj nieadpaviednaściu tavarnych partyj charčovaj pradukcyi normam i patrabavańniam, praduhledžanym zakanadaŭstvam Rasii i Mytnaha sajuza.
