Šmatlikija dziaŭčaty marać stać pryncesami, ale dasiahnuć hetuju maru u našym stahodździ mohuć tolki koški.
Interniet-prajekt «Buro 24/7» prysvoiŭ kotcy Šupiet zvańnie «Dziaŭčyny tydnia».
Nie viedaju, jak čytačy hetaha internet-prajektu, a ja ŭ šoku!
Dziaŭčynaj tydnia hety resurs nazyvaŭ i Łedzi Hahu, i Kiejt Mos, a tut na tabie — kotka-žančyna.
Hladžu ja na Šupiet (jakuju, darečy, taksama nazyvajuć Šupiet Łahierfield) i dumaju, što Čałaviek kančatkova zvarjacieŭ.
Historyja Šupiet padobnaja na hitoryju z knižki «Papiałuška»
U domie Karła Łahierfielda kotka apynułasia vypadkova: jaje pieršy haspadar, Batyst Džyabikoni, madel i hałoŭnaja muza na toj pieryjad času Karła, paprasiŭ pryhladzieć za Šupiet na Kalady, pakul jon sam budzie ŭ adjeździe. I pryvioz puchnataje biełaje kaciania ź vializnymi błakitnymi vačyma ŭ kvateru Karła Łahierfielda. A toj užo nie zmoh addać Šupiet, kali Batyst vyrašyŭ zabrać nazad.
Ciapier kotačka źjaŭlajecca brendam, jaki art-dyrektar marki «Šanel» pradaje «na ŭra».
Ale kali viartacca da žyćcia kotki, to «Buro 24/7» adznačaje, što za tym, kab u Šupiet usio było dobra, sočać kiroŭca, dźvie pakajoŭki i asabisty vieterynar.
Šupiet jeść u sacyjalnych sietkach, na błohu i časam vydaje knihi, kaniešnie, nie biez dapamohi Karła.
«Kali razumna acanić ŭsie pośpiechi adnoj maleńkaj kotački, stanie zrazumieła, što pavučycca ŭ jaje možna šmat čamu», —padsumoŭvaje redakcyi «Buro 24/7».
A maim padsŭmavańniem hetaha tekstu budzie ścipłaje: «Miaŭ!».
