Troje hramadzian — Biełarusi, Rasii i Irana, jakija pracavali ŭ 2001 hodzie na pasadach staršyni praŭleńnia, namieśnika staršyni praŭleńnia i sakratara savieta dyrektaraŭ adnaho z kamiercyjnych bankaŭ, padazrajucca ŭ kradziažy hrošaj šlacham vykarystańnia słužbovaha stanovišča.
Ź vieraśnia pa śniežań 2011 hoda padčas uźviadzieńnia budynka dla patreb banka złamyśniki nibyta apłačvali pasłuhi pa zbudavańni abjekta, na samaj ža spravie hrošy prysvojvali. U kryminalnaj schiemie vykarystoŭvalisia rekvizity padkantrolnych subjektaŭ haspadarańnia i padstaŭnyja firmy-adnadzionki. Uvohule za hety čas było vykradziena bolš za 5,5 młn jeŭra, što naležali banku, paviedamili ŭ hałoŭnym upraŭleńni pa baraćbie z arhanizavanaj złačynnaściu i karupcyjaj MUS.
Z momantu ŭčynieńnia złačynstva prajšło try hady, i fihuranty ŭžo źmianili miesca pracy. Ciapier padazronyja zatrymanyja. U ich kanfiskavanyja hrošy prykładna na 170 tysiač jeŭra, nakładzieny aryšt na rachunki ŭ bankach bolš jak na 100 tysiač jeŭra.
Śledčym kamitetam raspačata sprava pa č. 4 art. 209 KK (machlarstva ŭ asabliva bujnym pamiery).
