Rada nacyjanalnaj biaśpieki i abarony Ukrainy zajaviła pra ŭviadzieńnie na ŭschodzie krainy «režymu cišyni».
«7 kastryčnika pavodle dasiahnutych damoŭlenaściej, z 18:00 znoŭ abvieščany h.zv. «režym cišyni», padčas jakoha ŭ zonie ATA pavinny być spynienyja bajavyja dziejańni i abstreły», — havorycca ŭ paviedamleńni na sajcie infarmacyjnaha centra RNBA.
Ułady samaabvieščanaj Danieckaj narodnaj respubliki kažuć, što paviedamleńnia ab spynieńni ahniu jany nie atrymlivali.
«Niepasredna ŭ viarchoŭny saviet nijakaja infarmacyja nie pastupała z nahody «režymu cišyni», to bok, aficyjna nichto nie źviartaŭsia z boku RNBA ci kahości jašče», — pryvodzić RIA «Novosti» słovy vice-śpikiera tak zvanaha viarchoŭnaha savieta DNR Mirasłava Rudenki.
U toj ža čas lidar sieparatystaŭ paćvierdziŭ, što ŭviečary ŭ centry Daniecka sapraŭdy było cicha, vybuchaŭ i stralaniny nie było čuvać.
Abstreły ŭ Daniecku spynilisia prykładna ŭ 17:00 pavodle miascovaha času.
