Nieviadomy rasijski aficer dapamahaŭ paranienym ukraincam vyratavacca z «Iłavajskaha piekła».
Kala 90 paranienych ukrainskich bajcoŭ atrymałasia vyvieźci z «Iłavajskaha katła» dziakujučy sadziejničańniu nieviadomaha rasijskaha aficera. Pra heta raspavioŭ vajenny doktar Usievaład Ściabluk ŭ efiry prajekta «Advažnyja sercy» na kanale 1+1, pieradaje TSN.
U Iłavajskim katle Ściabluk vyžyŭ cudam. Jon jechaŭ u składzie kałony ŭkrainskich vojskaŭ, kali vorah adkryŭ prycelny škvalny ahoń. Paśla masiravanaha abstrełu stali razdavacca adzinkavyja streły — heta dabivali paranienych.
Ściabluk razam ź jašče niekalkimi acalełymi pabracimami dastali hranaty, kab padarvać siabie. Ale ŭ niejki momant zaŭvažyli niepadalok rasijskaha aficera. «Aficer akazaŭsia kadravym vajskoŭcam. Desantnik, dla jakoha paniaćcie honaru — nie pustyja słovy. Tamu ŭ nas była damova, što ja zabiraju usich paranienych, jakich zmahu znajści, — raspavioŭ Ściabluk. — U pieršuju noč było 17 čałaviek sabranych». Usich paranienych rasiejcy zabrali ŭ svajo raźmiaščeńnie.
Na nastupny dzień aficer dazvoliŭ Ściebluku pajechać u bližejšy nasieleny punkt — tam akazalisia jašče dziasiatki paranienych ukrainskich bajcoŭ. Pa słovach Ściebluka, jaho i tych ukraincaŭ, chto vyžyŭ, pieršapačatkova płanavali rasstralać. Ale dziakujučy asabistamu aŭtarytetu hetaha aficera ich usio ž taki pakinuli ŭ žyvych.
«Hety kambat skazaŭ: «Dok, kali ty vyžyŭ u tym, što adbyłosia, ciabie Boh u łob pacałavaŭ. Nie majo prava ciabie rasstrelvać», — raspavioŭ Ściabluk. Hety ž nieviadomy aficer vioŭ pieramovy z błokpastami bajevikoŭ, kab usich paranienych možna było evakuiravać na ŭkrainski bok.
