10 kastryčnika ŭ Osła budzie abvieščanaje imia łaŭreata Nobieleŭskaj premii miru. Chto ž najbolš vierahodnyja pretendenty na jaje?
1. Papa Francišak (77 hadoŭ, Arhiencina, Vatykan). 2 da 1.
Jašče nivodzin pantyfik nie atrymlivaŭ hetaj pačesnaj ŭznaharody. Papa Francišak, jaki paŭtara hoda jak zaniaŭ Papski pasad, słavicca svaim askietyčnym ładam žyćcia. Jon admaŭlajecca ad usiemahčymych ušanavańniaŭ i pryvilejaŭ. Admoviŭsia ad rezidencyi i aŭtamabila, žyvie ŭ hateli i charčujecca ŭ stałoŭcy. Hety Papa sprabuje ačyścić ad karupcyi Vatykan. A jašče jon vykazaŭ salidarnaść tym, chto «pakutuje ŭ Biełarusi».
2. Denis Mukviehie (56 hadoŭ, DR Konha). 4 da 1.
Doktar-hiniekołah z Demakratyčnaj Respubliki Konha (były Zair) Denis Mukviehie — zasnavalnik balnicy dla achviaraŭ seksualnaha hvałtu. U kastryčniku 2012 h. u jaho kvateru ŭvarvalisia ŭzbrojenyja ludzi, jakija ŭziali ŭ zakładniki žonku i dačok Mukviehie, a paśla jaho prychodu dadomu pasprabavali zastrelić i samoha doktara. Mukviehie i jaho siamju vyratavaŭ achoŭnik, jaki pryjšoŭ na dapamohu. Achoŭnik zahinuŭ, ale vymusiŭ napadnikaŭ źbiehčy.
3. Pan Hi Mun (70 hadoŭ, Paŭdniovaja Kareja). 7 da 1.
Zasłuhi AAN pa padtrymańni miru va ŭsim śviecie zaŭsiody dobra adznačalisia Nobieleŭskim kamitetam. Premiju ŭ 2001 hodzie atrymaŭ papiarednik Pan Hi Muna Kofi Anan. Zrešty, hod vydaŭsia niespakojnym: vajna va Ukrainie, a taksama dalejšaja eskałacyja na Blizkim Uschodzie. Tamu naŭrad ci karejec atrymaje sioleta ŭznaharodu.
4. Edvard Snoŭden (31 hod, ZŠA). 11 da 1.
Hetaksama słaba vierycca ŭ pierśpiektyvy Edvarda Snoŭdena. Hod tamu hety supracoŭnik Ahienctva nacyjanalnaj biaśpieki ahučyŭ infarmacyju ab prasłuchoŭvańni śpiecsłužbami ZŠA mejłaŭ i telefonaŭ. Edvard Snoŭden kiravaŭsia sumleńniem. Dziela raskryćcia infarmacyi jon pakinuŭ pracu, na jakoj jon zarablaŭ 200 tysiač dalaraŭ za hod.
5. Ketryn Chemlin (90 hadoŭ, Aŭstralija). 14 da 1.
Aŭstralijskaja hiniekołah Ketryn Chamlin 50 hadoŭ adpracavała ŭ špitalach Efiopii. Jaje mohuć uhanaravać za kłopat pra žančyn, jakija stali niepracazdolnymi ŭ vyniku rodaŭ. Jana była pieršaj, chto staŭ apieravać žančyn, što atrymali traŭmy padčas rodaŭ.
6. Džyn Šarp (86 hadoŭ, ZŠA). 14 da 1.
Viadomy ŭ śviecie aŭtar knih pa zmahańni z dyktaturami šlacham niehvałtoŭnaj baraćby. U pačatku 1990-ch Šarp kansultavaŭ kiraŭnictva Litvy i Łatvii, jakoje imknułasia da niezaležnaści krain. Jaho nazyvajuć ideołaham «arabskaj viasny». Jahonaja kniha ad «Ad dyktatury da demakratyi» stała sapraŭdnym chitom u śviecie.
7. Juan Łonhpiń (84 hady, Kitaj). 14 da 1.
Kitajski sielekcyjanier i piedahoh. Słavu jamu pryniesła stvareńnie hibrydnaha rysu ŭ 1970-ych hadach. Z taho času hibrydny rys raspaŭsiudziŭsia ŭ dziasiatkach krain śvietu, što daje nadziejnuju krynicu charčavańnia ŭ rehijonach, dzie vysokaja ryzyka hoładu. Hibrydny rys bolš prystasavany da niespryjalnych umovaŭ.
8. Małała Jusufzaj (17 hadoŭ, Pakistan). 14 da 1.
Małała viadomaja ŭ śviecie jak zmahar za prava žančyn na adukacyju. Małała prasłaviłasia tym, što pačała vieści błoh dla słužby «Bi-Bi-Si» na movie urdu pra žyćcio pry talibach, jakija z 2007 hoda ŭviali svaju ŭładu ŭ jaje rodnaj dalinie Svat. U kastryčniku 2012 hoda taliby pasprabavali zabić dziaŭčynku. Talib dvojčy streliŭ u dziaŭčynku, patrapiŭ u hałavu i šyju. Adna z kul prajšła navylot, i dźvie dziaŭčynki, jakija siadzieli zzadu Małały, taksama atrymali pa ahniastrelnym ranieńni. Dziaŭčynku vyratavali daktary ŭ Birminhiemie. Ciapier Małała Jusufzaj ź siamjoj žyvie ŭ Brytanii.
9. Hielmut Kol (84 hady, Hiermanija). 17 da 1.
Hety čałaviek adyhraŭ ahramadnuju rolu ŭ pracesie abjadnańnia Jeŭropy ŭ cełym i Hiermanii ŭ pryvatnaści. Ale, mabyć, čas, kali były niamiecki kancler moh atrymać Nobieleŭskuju premiju, užo minuŭ.
10. Novaja hazieta (Rasija). 17 da 1.
U toj čas, kali ŭ Rasii ŭsialak zvužajecca svaboda słova, ŚMI bajacca publikavać krytyčnyja da ŭłady materyjały, ryzykoŭnyja rasśledavańni, «Novaja hazieta» zastajecca adnym ź niamnohich astraŭkoŭ volnaści. Siarod supracoŭnikaŭ vydańnia — biełaruska Iryna Chalip.
…15. Aleś Bialacki (52 hady, Biełaruś). 24 da 1.
Pravaabaronca Bialacki šmat hadoŭ robić usio mahčymaje, kab nichto represiravanych pa palityčnych matyvach u Biełarusi, nie zastavaŭsia sam-nasam ź biadoj. Jahony centr «Viasna» akazvaje materyjalnuju i jurydyčnuju dapamohu ŭsim niespraviadliva asudžanym, zvolnienym, vyklučanym z univiersitetaŭ. U 2011 hodzie byŭ asudžany na čatyry z małovaj hoda nibyta za niaspłatu padatkaŭ, chacia heta byli nie asabistyja hrošy Alesia, a srodki «Viasny», jakija nie pavinny abkładacca padatkami. Vyjšaŭ na volu ŭ červieni sioleta, tak i nie napisaŭšy prašeńnia na imia Łukašenki.
