Maładaja nastaŭnica dziciačaj škoły mastactvaŭ kupiła mašynu i na praciahu miesiaca jeździła na pracu z Hrodna ŭ Abuchava pa płatnaj darozie. A potym daviedałasia, što joj treba zapłacić 3800 jeŭra štrafu.
— Pakolki mašyna na tranzitnych numarach, datčyki na arkach pastajanna spracoŭvali, a prajezd pad kožnaj arkaj biez bartavoj pryłady — heta štraf 100 jeŭra, — raspaviadaje Ludmiła, jakaja była ŭpeŭnienaja, što płacić za prajezd pa darozie pavinny tolki zamiežniki i kiroŭcy «vielikahruzaŭ». — U žyćci nie mahła b padumać, što na pracu ŭ Abuchava budu jeździć za 100 jeŭra. Mnie tańniej było b siadzieć doma. Ja hramadzianka RB, mašynu pryhnała z Polščy niadaŭna, aŭtamabil na francuzskich numarach, ale zarehistravać jaho ŭ DAI jašče nie paśpieła, bo nie było hrošaj. Usie adpusknyja vydatkavała na rastamožku i zapraŭku. Dumała, što z zarpłaty zarehistruju mašynu, prajdu techahlad, zapłaču aŭtamabilny padatak i kuplu strachoŭku. A atrymałasia voś jak.
Za miesiac dziaŭčyna paśpieła źjeździć u hości, na daču i bolš za dziesiać razoŭ — na pracu ŭ Abuchava i nazad.
Pa słovach Ludmiły, samaje dziŭnaje ŭ hetaj historyi — toje, što mima pasiołka Bierahavy, dzie časta dziažuryć transpartnaja inśpiekcyja, jana prajazdžała minimum dva razy na dzień, ale nichto jaje nie spyniaŭ. Zatrymali tolki praź miesiac paśla pieršaha parušeńni i paviedamili, što jana parušyła 38 razoŭ — ciapier treba vypłacić 3800 jeŭra štrafu. Z hetaj sumaj Ludmiła nie zhodna.
— Na praciahu dziesiaci dzion mahu spakojna jeździć pa terytoryi Biełarusi na tranzitnych numarach, a značyć, 1400 jeŭra mnie naličyli niapravilna. Bolš za toje, ja amal sutki prabyła na biełaruska-polskaj miažy, ale nijakaha infarmacyjnaha stenda tam nie było pra toje, što treba nabyć bartavuju pryładu. Nakolki ja viedaju, ich tolki zaraz pačali ŭstaloŭvać.
Zaraz dziaŭčyna jeździć na pracu na mašynie brata. Jaje aŭtamabil znachodzicca na štrafstajancy. Hrošaj, kab unieści nieabchodnuju sumu, u jaje niama.
Jak rastłumačyli ŭ transpartnaj inśpiekcyi pa Hrodzienskaj vobłaści, na lehkavyja aŭtamabili z tranzitnymi numarami, pryviezienyja biełarusami z-za miažy, nieabchodna nabyvać mabilnyja sčytvalnyja pryłady elektronnaj apłaty.
