Kurdskija vajskovyja farmavańni ŭ Iraku i Siryi viaduć žorstkija bai z bajevikami «Isłamskaj dziaržavy», ale hetaja baraćba maje i inšy front — elektronny.
Aktyvisty, što spačuvajuč kurdam, dasyłajuć sotni paviedamleńniaŭ praz Tvitar, zaklikajučy Centralnaje kamandvańnie (Centcom) amierykanskich vojskaŭ, jakoje kantraluje avijaŭdary pa isłamistach, pačać bambardyroŭki ŭ rajonie siryjskaha horada Ajn-el-Arab.
Kurdskija biežancy
Ciapier isłamisty atakujuć hety horad ź pieravažna kurdskim nasielnictvam. Kurdskaja nazva horada — Kabejni.
Pradstaŭniki Centcom kažuć, što majuć hetuju infarmacyju, ale prymajuć rašeńni na ataki pa abjektach isłamistaŭ na asnovie tolki svaich mierkavańniaŭ, piša The Tampa Tribune.
«My atrymlivajem šmat prapanoŭ na ŭdary praz sacyjalnyja miedyja, my nazirajem za imi i hladzim kamientaryi na lubyja temy, ale heta nie značyć, što heta ŭpłyvaje na dziejańni Centcom», — adznačyŭ major Kurt Kiełah, pres-sakratar Centralnaha kamandavańnia.
Źniščalnik F-16 skidvaje kasietnyja bomby
Kurdskija aktyvisty vykarystoŭvajuć cheštehi #USHearKobane i #kobane, kab pryciahnuć uvahu da svaich paviedamleńniaŭ:
«@CENTCOM Ja baču bunkier #ISIS i tut niama hramadzianskaha nasielnicva. Kaardynaty patrebnyja?» — piša ŭ Tvitary karystalnik Oscar A.M. Bergamin.
Amierykancy kažuć, što prysłuchoŭvajucca da zaniepakojenych kurdaŭ i vyrašajuć razam z antyisłamisckaj kaalicyjaj, što možna zrabić dla horada.
