lavanguardia.cat
Kanstytucyjny sud Ispanii na ekstranym plenarnym pasiadžeńni prypyniŭ dziejańnie ŭkazu ab praviadzieńni refierendumu ab niezaležnaści Katałonii 9 listapada i zakona ab apytańniach.
Pradstaŭnik KS zajaviŭ, što prypynieńnie daść čas razhledzieć arhumienty adnosna taho, ci stanie katałonskaje apytańnie parušeńniem nacyjanalnaj kanstytucyi.
U paniadziełak Rada ministraŭ Ispanii pryniała rašeńnie źviarnucca ŭ Kanstytucyjny sud z nahody zakonnaści zapłanavanaha ŭładami Katałonii plebiscytu ab suvierenitecie rehijonu.
U krasaviku parłamient Ispanii nakłaŭ zabaronu na praviadzieńnie refierendumu ab niezaležnaści Katałonii.
Nahadajem, što ŭ subotu, 27 vieraśnia, kiraŭnik Katałonii Artur Mas padpisaŭ ukaz ab praviadzieńni refierendumu. Adnak ispanski premjer-ministr Maryjana Rachoj zajaviŭ, što takoje volevyjaŭleńnie «nie adpaviadaje kanstytucyi Ispanii.
«Nikomu i ničomu nie budzie dazvolena raskałoć Ispaniju» —skazaŭ jon.
Premjer-ministr vystupiŭ u telezvarocie pa vynikach ekstranaha pasiedžańnia ŭrada krainy.
Niahledziačy na piarečańni Madryda, Artur Mas śćviardžaje, što rehijanalnaha zakanadaŭstva całkam dastatkova, kab hałasavańnie adbyłosia.
Katałonija źjaŭlajecca nie tolki adnym z samych bahatych i industryjalna raźvitych, ale i adnym z samych valnadumnych rehijonaŭ Ispanii.
Mnohija miascovyja vybarščyki niezadavolenyja sistemaj raźmierkavańnia padatkaŭ, što źbirajucca ŭ Katałonii, značnaja dola jakich sychodzić na finansavańnie bolš biednych rajonaŭ krainy.
