Čełsi Klintan, dačka byłoha amierykanskaha prezidenta Biła Klintana i eks-dziaržsakratara ZŠA Chiłary Klintan, naradziła dačku.
«Mark i ja poŭnyja kachańnia, zachapleńnia i ŭdziačnaści. My śviatkujem naradžeńnie našaj dački Šarłoty Klintan Mieźvinski», — napisała Čełsi ŭ Twitter.
Čełsi Klintan 34 hady. U 2010 hodzie jana vyjšła zamuž za inviestycyjnaha bankira Marka Mieźvinskaha. Klintan abviaścili pra ciažarnaść Čełsi ŭ krasaviku.
Chiłary Klintan śviatkuje naradžeńnie svajoj pieršaj unučki na fonie paviedamleńniaŭ ab tym, što jana źjaŭlajecca najbolš vierahodnym pierajemnikam Baraka Abamy na prezidenckich vybarach 2016 hoda.
Jana zajaviła, što prymie rašeńnie ab tym, ci bałatavacca ŭ prezidenty ZŠA ad Demakratyčnaj partyi, u pačatku nastupnaha hoda.
Chiłary Klintan ŭznačalvała Dziarždepartament ZŠA padčas pieršaha prezidenckaha terminu Abamy. Jaje muž, Bił Klintan, byŭ 42-m prezidentam ZŠA. Jon byŭ na hetaj pasadzie dva terminy — sa studzienia 1993-ha da studzienia 2001.
Čełsi Klintan taksama pradkazvali palityčnuju karjeru.
Jana vučyłasia ŭ Stenfardskim univiersitecie ŭ Kalifornii, a zatym u Kałumbijskim univiersitecie (Ńju-Jork) i ŭ Oksfardzie.
Razam sa svaimi baćkami jana kiruje dabračynnym fondam Clinton Foundation.
