kommersant.ru
U Maskvie ŭ Domie muzyki nieviadomyja siońnia, 25 vieraśnia, sarvali kancert Andreja Makareviča.
Pra heta vidavočca Alina Kupiervasier paviedamiła ŭ efiry Doždia.
«Ščyra kažučy, heta hańba i niepryjemna. My byli ŭ zale, i niedzie na 38-j chvilinie vystupu dzieści čverć pieršaha šerahu ŭ tak zvanaj vip-zonie ŭstała čałaviek piać-šeść mužčyn, takich niemaładych, ja dumaju, hadoŭ 25-30.
Z krykami «Makarevič — zdradnik, pradaŭ radzimu» i ŭsiakimi słovami pra hańbu jany raskidali šmat arkušoŭ A4 biełych nibyta», — raspaviała jana.
Pa słovach Kupiervasier, paśla hetaha Makarevič skazaŭ: «Dziakuj, kali vy skončyli, dazvolcie, ja praciahnu kancert», i hledačy stali apładziravać, padtrymlivajučy jaho.
Mužčyny, jakija sprabavali sarvać vystup, byli niejtralizavanyja achovaj.
Adnak potym ludzi, kašlajučy, pačali pakidać pieršyja šerahi, i stała jasna, što nieviadomyja raspyrskali pa zale piarcovy sprej.
U vyniku Makarevič i jaho hurt, jak i ŭsie astatnija hledačy, taksama byli vymušanyja pakinuć zału.
Paźniej adkaznaść za akcyju ŭziali na siabie aktyvisty partyi «Druhaja Rośsija».
Andrej Makarevič nieadnarazova rezka vykazvaŭsia nakont padziej va Ukrainie i Krymie.
U pryvatnaści, jon vystupaŭ z asudžeńniem rasijskich uładaŭ i padtrymlivaŭ Majdan. U žniŭni 2014 pa zaprašeńni prezidenta Fondu vałancioraŭ Ukrainy Cimafieja Nahornaha jon pajechaŭ hastralavać u Danbas.
U Rasii niekalki kancertaŭ Makareviča admieniena pa nadumanych («techničnych») pryčynach, a ŭ Dziarždumie prapanavali pazbavić muzykanta ŭsich hanarovych zvańniaŭ i ordena «Za zasłuhi pierad Ajčynaj».
Darečy, 3 kastryčnika Andrej Makarevič vystupić u Minsku, u Pałacy sportu.
