Kampanija Apple adklikała abnaŭleńnie apieracyjnaj sistemy iOS 8 paśla šmatlikich paviedamleńniaŭ ad spažyŭcoŭ ab surjoznych zbojach u pracy mabilnych pryładaŭ.
Dostup da najnoŭšaj, vośmaj viersii apieracyjnaj sistemy iOS byŭ adkryty dla karystalnikaŭ 18 vieraśnia. Krychu paźniej Apple prapanavała karystalnikam spampavać viersiju iOS 8.0.1, jakaja była zaklikana vypravić niekatoryja pamyłki pieršapačatkovaha relizu. Adnak zboi, siarod jakich niepaładki ŭ pracy hałasavych zvankoŭ i niepracujučaja funkcyja telefona Touch ID, jakaja dazvalaje razbłakavać ekran telefona, pryviali da adklikańnia abnaŭleńnia.
Zychodziačy z ułasnych źviestak Apple na 21 vieraśnia, novuju iOS 8 ŭstalavali kala 46% karystalnikaŭ kramy prykładańniaŭ App Store.
0
0
0
0
0
0
