Alaksandr Łukašenka 22 vieraśnia padpisaŭ ukaz №456 «Ab realizacyi inviestycyjnaha prajekta» Ekśpierymientalny šmatfunkcyjanalny kompleks «Minsk-Śviet», paviedamili BiełTA ŭ pres-słužbie biełaruskaha lidara.
Dakumientam praduhledžvajecca realizacyja ŭ 2014—2027 hadach inviestycyjnaha prajekta pa budaŭnictvie ŭ Minsku (u miežach vuł. Aeradromnaj — pałasy advodu čyhunki ŭčastka darohi Minsk — Homiel — 3-ja haradskoha kalca — vulic Kižavatava — Bryleŭskaj) abjekta «Ekśpierymientalny šmatfunkcyjanalny kompleks» Minsk-Śviet».
Hety abjekt budzie ŭklučać u siabie mižnarodny finansavy centr, budynki hramadska-dziełavoha pryznačeńnia, žyłuju zabudovu, a taksama inžyniernuju, transpartnuju i sacyjalnuju infrastruktury.
Pryniaćcie ŭkaza daść mahčymaść stvaryć mižnarodny finansavy centr, jaki zaklikany zaniać viadučaje miesca na rynku finansavych pasłuh, i arhanizavać 27 tys. novych pracoŭnych miescaŭ, havorycca ŭ paviedamleńni.
