Tomas Tydžej Łejn, taksama viadomy jak «strałok z Ahajo», jaki ŭ lutym 2012 hoda rasstralaŭ ŭ škole svaich adnahodkaŭ, zmoh źbiehčy z turmy razam z dvuma sukamiernikami. Adnaho ź ich užo ŭdałosia złavić, paviedamlaje Associated Press, spasyłajučysia na źviestki miascovaj palicyi.
Ciapier palicyjanty šukajuć 19-hadovaha «strełka z Ahajo» i druhoha jaho sukamiernika ŭ lesie i horadzie Lima štata Ahajo, u jakim znachodzicca turma Allen. U palicyi miarkujuć, što ŭciekačy nie ŭzbrojenyja, ale pry hetym ličać ich niebiaśpiečnymi.
Infarmacyi ab tym, jak złačyncam udałosia źbiehčy, pakul niama. Žycharoŭ rajona, u jakim raźmieščana turma, paprasili zamknuć dźviery i vokny. Akramia taho, palicyjanty ŭžo źviazalisia ź siemjami achviaraŭ i paciarpiełych ad stralaniny ŭ škole ŭ 2012 hodzie, kab dać im achovu.
U 2013 hodzie Tomas Tydžiej Łejn pryznaŭ svaju vinu ŭ zabojstvie troch školnikaŭ z horada Šardonie. Na toj momant, kali jon ładziŭ stralbu, jamu było 17 hadoŭ, i jon tak i nie zmoh rastłumačyć, čamu heta zrabiŭ.
Jak nahadvaje «Interfaks», u toj dzień padletak pryjšoŭ u školnuju stałovuju i padčas śniadanku adkryŭ stralbu z paŭaŭtamatyčnaj pistaleta Ruger Mk III 22-ha kalibra, z-za čaho troje školnikaŭ pamierli ad atrymanych ranieńniaŭ i jašče troje paciarpieli - adzin ź ich zastaŭsia invalidam. Nieviadoma, kolki jašče było b achviaraŭ, kali b Łejna nia abiazzbroiŭ futbolny trenier Frenk Choł.
Sud prysudziŭ «strełka z Ahajo» da troch pažyćciovych terminaŭ biez prava na vyzvaleńnie.