Iznoŭ nastupstvy spajsu: «Sieat» vylecieŭ na aŭtobusny prypynak, źbiŭ dva słupy i žančyn.
Usio heta zdaryłasia siońnia niedzie paśla 6.00 na vulicy Biełuša ŭ Hrodnie, paviedamlaje DAI Hrodna.
Chłopiec, jakoha vyciahnuli z-za rula, byŭ u stanie takoha narkatyčnaha apjanieńnia, što nie moh adkazać navat na elemientarnyja pytańni: jak jaho zvać, kolki jamu hadoŭ… U budynku DAI jon praciahvaŭ paśmichacca, plavacca, huhukać.
A na darozie ŭsio vyhladała tak. «Sieat» vyskačyŭ na tratuar, praniośsia pamiž słupami i drevami. Abminuŭ pryparkavanuju «BMV» i paviljon aŭtobusnaha prypynku, pierasiok prajeznuju častku vulicy Biełuša, na tratuary źnios dva sparavanyja mietaličnyja słupy. Źbiŭ la prypynku dźviuch žančyn: adna zahinuła, druhuju dastavili ŭ balnicu. Udaryŭ u mietaličny płot. Źmiaŭ dva jaho praloty. Vylecieŭ na achoŭvanuju stajanku, dzie jaho spyniŭ «Piežo», u jaki jon urezaŭsia.
Budzie raspačata kryminalnaja sprava.
