U Nikarahua kala aeraporta horada Manahua pozna viečaram 6 vieraśnia upaŭ nievialiki mietearyt, zajaviła aficyjny pradstaŭnik urada krainy Rasarya Muryla.
Pa słovach Muryla, na miescy padzieńnia ŭtvaryŭsia krater dyjamietram 12 mietraŭ i hłybinioj piać mietraŭ. Dla pošukaŭ i vyvučeńnia frahmientaŭ mietearyta ŭ Nikarahua stvaryli kamisiju z navukoŭcaŭ, pradstaŭnikoŭ uładaŭ Manahua i ŭzbrojenych sił.
Jak adznačyła aficyjny pradstaŭnik urada Nikarahua, padzieńni mietearytaŭ majuć patrebu ŭ vyvučeńni na ŭzroŭni ekśpiertaŭ, kab dać šyrokaj publicy navukovaje tłumačeńnie.
Padčas padzieńnia mietearyt raspaŭsia na častki, jakija mohuć znachodzicca na dnie kratera. Pry ŭdary kaśmičnaha cieła ab ziamlu siejsmohrafy zarehistravali siejśmičnuju chvalu, jakaja ŭźnikła prykładna za adnu siekundu.
Pavodle navukoŭcaŭ, heta druhi mietearyt, jaki ŭpaŭ na terytoryju Nikarahua ŭ sučasnaj historyi krainy. Pieršy mietearyt byŭ dastatkova bujnym i ŭpaŭ u 2007 hodzie.
