Učora stała viadoma pra śmierć lehiendarnaha litoŭskaha akciora Danatasa Banijonisa. Cikava, jak adna z syhranych im rolaŭ paŭpłyvała na siońniašnija losy Uschodniaj Jeŭropy.
Jak paviedamlajuć RIA «Naviny», vobraz Ładziejnikava z kultavaha filma «Miortvy siezon» padšturchnuŭ Uładzimira Pucina vybrać prafiesiju raźviedčyka. «… Upieršyniu ja pra heta pačuŭ nie ad samoha Pucina, — raspaviadaŭ akcior. — U niejkaj prahramie jaho byłaja nastaŭnica raskazvała, što jon vyrašyŭ stać raźviedčykam paśla taho, jak pahladzieŭ «Miortvy siezon». I kali ŭ 2001 hodzie ja byŭ u składzie litoŭskaj uradavaj delehacyi ŭ Maskvie ŭ Kramli, ja byŭ pradstaŭleny spadaru Pucinu. i tady ja spytaŭsia ŭ jaho pra heta. Jon zaśmiajaŭsia i skazaŭ: «Była sprava».
90-hadovy Danatas Banijonis 4 vieraśnia skanaŭ u špitali paśla pieraniesienaha insultu.
* * *
«Miortvy siezon» byŭ pieršym savieckim filmam, pryśviečanym dziejnaści savieckaj vyviedki ŭ hady «chałodnaj vajny». Scenar byŭ napisany Uładzimiram Vajnštokam na asnovie materyjałaŭ, pradstaŭlenych KHB SSSR. Pratatypam hałoŭnaha hieroja, Kanstancina Ładiejnikova, staŭ saviecki vyviednik Konan Małady.
Na miažy 50-60-ch Konan Małady pad imiem Hordana Łonsdejła pracavaŭ u Anhlii, handlavaŭ hulniavymi aŭtamatami. Abjektam jaho prafiesijnych intaresaŭ była hrupa niamieckich navukoŭcaŭ, jakija zajmalisia raspracoŭkaj vajskovaj pradukcyi.
U 1961 hodzie Małady byŭ aryštavany i asudžany na 25 hadoŭ źniavoleńnia; ale adsiedzieŭ tolki try hady: jaho abmianiali na anhlijskaj vyviednika Hrieviła Vina, suviaznoha Aleha Piańkoŭskaha.
