Rehijony Rasii, jakija miažujuć ź Biełaruśsiu, zacikaŭleny ŭ budaŭnictvie biełaruskich kvartałaŭ. Pra heta paviedamiŭ žurnalistam hałoŭny architektar RUP «Instytut Biełdziaržprajekt» Anatol Šabalin.
Pa infarmacyi Anatola Šabalina, dla realizacyi daručeńnia Alaksandra Łukašenki i Minbudarchitektury instytut raspracavaŭ sieryju roznych prajektaŭ pa budaŭnictvie biełaruskich kvartałaŭ. «Rasijski bok zacikaŭleny ŭ budaŭnictvie takich kvartałaŭ, u pryvatnaści heta cikava pryhraničnym abłaściam, dzie realizacyja takoha prajektu najbolš ekanamična vyhadnaja, da taho ž Viciebskamu DSK zručna i nie tak doraha pastaŭlać tudy svaje vyraby dla budaŭnictva damoŭ», — adznačyŭ jon. Budaŭnictva biełaruskich kvartałaŭ užo viadziecca ŭ Smalenskaj vobłaści.
Akramia taho, u ciapierašni čas iduć pieramovy ab budaŭnictvie simietryčnych kvartałaŭ u Sankt-Pieciarburhu i Minsku. «Pad heta budaŭnictva ŭžo vyłučajucca placoŭki. Našy śpiecyjalisty pavinny ŭ bližejšy čas vyjechać i ahledzieć ich. Taksama my prapanujem realizacyju takich prajektaŭ i inšych abłaściach Rasii — Kalininhradskaj vobłaści, haradach Vialiki Noŭharad, Myciščy i inš», — skazaŭ hałoŭny architektar instytuta.
Zacikaŭlenaść da raspracovak RUP «Instytut Biełdziaržprajekt» prajaŭlaje nie tolki rasijski bok, ale i inšyja krainy SND, u pryvatnaści Kazachstan, paviedamiŭ Anatol Šabalin.
