Hrupa vjetnamcaŭ zatrymanaja pry sprobie parušeńnia biełaruskaj miažy.
Jak paviedamili ŭ Dziaržaŭnym pahraničnym kamitecie, 13 lipienia na pahraničnuju zastavu «Kazłovičy» pastupiła infarmacyja ad miascovych žycharoŭ ab tym, što ŭ pahraničnaj zonie znachodziacca nieviadomyja asoby azijackaj nacyjanalnaści. «Tryvožnaja» hrupa, jakaja vyjechała na miesca, u vyniku pošukavych mierapryjemstvaŭ zatrymała piaciarych hramadzian Vjetnama za 30 mietraŭ ad sihnalizacyjnaha kompleksu. Pry sabie ŭ inšaziemcaŭ byli pašparty i sumki sa źmiennym adzieńniem. Samamu starejšamu ź ich 33 hady, małodšamu — 20 hadoŭ.
Vyśvietliłasia, što ŭ Brest zamiežnyja hramadzianie pryjechali napiaredadni ź Minska, dzie hod pracavali ŭ budaŭničaj firmie. Mužčyny nie ŭtojvali, što ŭ režymnaj zonie apynulisia z metaj niezakonnaha pierasiačeńnia miažy dla dalejšaha ŭładkavańnia na pracu ŭ Polščy.
Za zamach na niezakonnaje pierasiačeńnie miažy, a taksama parušeńnie pahraničnaha režymu hramadzianie Vjetnama pryciahnutyja da administracyjnaj adkaznaści ŭ vyhladzie papiaredžańnia z departacyjaj terminam na piać hadoŭ.