Kiraŭnik kamiteta Dziaržaŭnaj dumy Rasii pa fizičnaj kultury i sporcie Ihar Ananskich anansavaŭ praviadzieńnie parłamienckich słuchańniaŭ na temu padrychtoŭki zbornaj Rasii da čempijanatu śvietu pa futbole 2018 hoda.
Na pasiadžeńnie budzie zaprošany trenier rasijskaj zbornaj Fabia Kapeła, u jakoha parłamientaryi žadajuć daviedacca płan uzmacnieńnia kamandy da chatniaha suśvietnaha pieršynstva.
«Ciapierašniaja zbornaja Rasii — adna z samych słabych za apošnija 15-20 hadoŭ», — adznačyŭ deputat.
Pa słovach Ananskich, słuchańni projduć 3 kastryčnika. Akramia Kapeła, na pasiadžeńni budzie prysutničać kiraŭnictva ministerstva sportu Rasii i Rasijskaha futbolnaha sajuza (RFS).
Raniej lidar ŁDPR Uładzimir Žyrynoŭski raskrytykavaŭ dziejnaść italjanca na čale zbornaj, nazvaŭšy jaho «rabaŭnikom», a deputat ad «Spraviadlivaj Rasii» Aleh Pachołkaŭ zaklikaŭ śpiecyjalista viarnuć pałovu hanararu.
