Sioleta ŭ licej Biełaruskaha dziaržaŭnaha ŭniviersiteta sprabavała pastupić rekordnaja za apošnija piać hadoŭ kolkaść abituryjentaŭ — 1.546 čałaviek.
Jak paviedamlaje pres-słužba BDU, najbolšaj papularnaściu ŭ abituryjentaŭ karystalisia fizika-matematyčnyja kłasy, na navučańnie ŭ jakich padadziena 628 zajavak (rekamiendavanyja da zaličeńnia — 109 čałaviek). U kłasy fiłałahičnaha kirunku sprabavali pastupić 346 abituryjentaŭ (rekamiendavanyja da zaličeńnia — 42), chimika-bijałahičnaha kirunku — 297 (41), hramadaznaŭčaha kirunku — 166 (43), chimika-matematyčnaha kirunku — 109 (22).
U pres-słužbie padkreślili, što biez ustupnych ispytaŭ u licej byli zaličanyja 26 pieramožcaŭ zaklučnaha etapu respublikanskaj alimpijady.
Pa vynikach ustupnaj kampanii ŭ licei buduć sfarmiravanyja 12 kłasaŭ:
piać — fizika-matematyčnaha profilu, dva — chimika-bijałahičnaha, dva — fiłałahičnaha, dva — hramadaznaŭčaha i adzin — chimika-matematyčnaha kirunkaŭ.
