U pamiaškańni Łuhanskaj abłdziaržadministracyi, zachoplenym terarystami, prahučaŭ vybuch.
fota RIA Naviny
Miarkujučy pa videazapisie z centra Łuhanska, rakieta prylacieła źnizu, a nie źvierchu:
Roznyja ŚMI pa-roznamu tłumačać jaho pryčyny.
«Ukrainskaja praŭda» sa spasyłkaj na Radyjo Svaboda piša:
U ścianie pamiaškańnia na trecim paviersie ŭtvaryłasia dzirka, ź jakoj idzie dym. Jość paranienyja. Na miesca padziei prybyli pažarniki i chutkaja dapamoha. Budynak akružyli bajeviki «ŁNR», jakija vyhaniajuć z ačapleńnia terytoryi ŭsich prysutnych, matyvujučy heta tym, što tam mohuć być snarady, jakija nie razarvalisia.
Niekatoryja ź vidavočcaŭ, prysutnych na miescy padziei, zajavili karespandentu Radyjo Svaboda, što nibyta niezadoŭha da vybuchu bačyli, jak nad horadam kružyŭ šturmavik Su-25. Hetaja infarmacyja niepaćvierdžanaja.
Sieparatysty śćviardžajuć, što heta samalot adkryŭ ahoń pa budynku.
Miascovyja žychary zajaŭlajuć, što ŭ budynak trapiŭ snarad, jaki terarysty vypuścili z hranatamiota ŭ samalot.
U svaju čarhu, RIA Naviny paviedamlajuć, što «vybuch adbyŭsia ŭ vyniku avijanalotu, ździejśnienaha ukrainskimi VVS. Zahinuli pa mienšaj miery piać čałaviek. U budynku šmat paranienych, ich vynosiać vonki. Da administracyi prybyli šeść mašyn «chutkaj dapamohi». Akramia taho, paśla avijanalotu ŭ budynku pačaŭsia mocny pažar».
Miž tym, u sacsietkach pišuć, što vybuch u vyniku avijaŭdaru vyklučany, bo navat na fota dobra bačna, što snarad lacieŭ źnizu, a nie źvierchu.
Pres-aficer ATA zajaŭlaje ab tym, što Łuhanskuju administracyju ŭzarvali znutry.
Łuhanskaja milicyja, u svaju čarhu, prytrymlivajecca viersii, što vybuch vyklikała rakieta, vypuščanaja z budynka USBU. Pa słovach pravaachoŭcaŭ, streł ź zienitnaha kompleksu byŭ zrobleny z budynka USBU pa samalocie, adnak rakieta trapiła ŭ budynak administracyi.
