Vyvučeńnie rasiejskaj movy stała abaviazkovym dla ŭsich siryjskich školnikaŭ. Pra heta paviedamiŭ kiraŭnik Rasijskaj asacyjacyi mižnarodnaha supracoŭnictva Siarhiej Ściapašyn.
«Paśla niadaŭniaha vizitu ŭ Siryju vice-premjera ŭrada RF Dźmitryja Rahozina kiraŭnictvam krainy pryniata rašeńnie ab uviadzieńni abaviazkovaha navučańnia rasiejskaj movie va ŭsich škołach. Nas na Ukrainie pryciskajuć, a voś vam prykład Siryi», — padzialiŭsia Ściapašyn.
Ściapašyn taksama padkreśliŭ, što Siryja zaŭsiody zastavałasia «farpostam Rasii na Blizkim Uschodzie».
U studzieni Ministerstva adukacyi Siryi prapanoŭvała ŭvieści rasiejskuju movu ŭ jakaści druhoj zamiežnaj movy. Mierkavałasia, što pačynajučy z vośmaha kłasa vučni zmohuć vybirać pamiž ruskaj i francuzskaj movami. Akramia taho, u Siryi ŭviedziena abaviazkovaje vyvučeńnie anhlijskaj movy ź pieršaha kłasa.
Zajava prahučała na fonie prapanovy Maskvy akazać dapamohu ŭ źniščeńni chimičnaj zbroi ŭ Siryi. Zrešty, siryjski ministr adukacyi Chazvan Alvaz zajaviŭ, što novaŭviadzieńnie abumoŭlena patrebami adukacyjnaha pracesu, a nie palityčnymi mierkavańniami. Pavodle jaho słoŭ, u siryjskich škołach zmohuć pačać vykładać rasiejskuju movu ŭžo ŭ nastupnym navučalnym hodzie.
Raniej u siryjskich škołach užo viałosia vykładańnie rasiejskaj movy naroŭni z francuzskaj i niamieckaj. Adnak paśla hetaja praktyka była spynienaja.